Guardiola nuk tregon respekt për Leipzigun në përballjen e fundit të fazës së grupeve në Ligën e Kampionëve

Pep Guardiola ka folur para ndeshjes së fundit në kuadër të fazës së grupit në Ligën e Kampionëve ndaj RB Leipzigut.

Citizens tashmë kanë siguruar kualifikimin për fazën tjetër, derisa do zhvillojnë përballjen ndaj klubit gjerman për të mbajtur vendin e parë.

Por, Guardiola nuk ka shfaqur aspak respekt për RB Leipzigun, duke thënë se ndaj tyre luajnë si në stërvitje.

“Nuk luajmë kundër RB Leipzig për pikë, luajmë të përmirësohemi. Është stërvitje e duhur për ne. Shkojmë në Leipzig, për të ngrënë darkë sonte dhe festojmë kualifikimin për Ligën e Kampionëve”.

“Leipzig ka kulturë, marrin trajner, duan të luajnë në një mënyrë specifike, presion, të sulmojnë. Kjo është kultura e tyre. Synimi i trajnerit të ri është i qartë, lojtarët të hapin sytë, të luajnë në Ligën e Evropës, garë e madhe, para nga UEFA”, ka deklaruar strategu spanjoll.

Ndërsa, gjithashtu në konferencë për shtyp, Guardiola mohoi mundësinë e transferimit të Dani Olmos. /Telegrafi/