Luiz Ejlli dhe Kiara Tito natën e djeshme (e mërkurë) bënë bujë të madhe nëpër të gjitha mediat dhe rrjetet sociale për momentet e bukura që dhuruan në Big Brother VIP Albania.
Ata bënë një dasmë tradicionale me të gjitha gjërat që kërkon ceremonia, ndonëse mes tjerash shkëmbyen edhe puthjen e parë.
Momenti kur dhanë puthjen u bë virale nëpër rrjete sociale dhe po vazhdon të komentohet akoma.
Sot (e enjte) atyre iu është bërë një befasi, teksa ia kanë sjell një dron me fotografinë e tyre.
“Gjithë Shqipëria feston me ju o mbret”, thuhet bashkangjitur fotografisë së banorëve.
Pas puthjes, Kiara u shpreh se e ndjente ta bënte në një moment të tillë duke treguar se tashmë ka ndjenja për këngëtarin shkodran.
Kiara dhe Luizi ndërkaq zyrtarisht janë çifti i parë i edicionit të dytë të Big Brother VIP Albania. /Telegrafi/