Oleksandr Usyk është shpallur kampion i padiskutueshëm i peshave të rënda në boks, pasi pas 12 raundeve të zhvilluara ndaj Tyson Furyt në Arabinë Saudite, ai fitoi me vendim të ndarë të gjyqtarëve.
Ukrainasi e fiton meçin me vendim të ndarë nga gjyqtarët, me këto rezultate 115-112, 113-114, 114-113.
19/05/2024 02:11-Kaq nga ne për sonte...
Pas një maratone disa ditore me lajme rreth meçit mes Oleksandr Usyk dhe Tyson Fuyt, ku ukrainasi është shpallur kampion i padiskutueshëm i peshave të rënda në boks, pasi pas 12 raundeve të zhvilluara, ne e mbyllim me lajme për sonte.
Për t'i lexuar të gjitha lajmet rreth këtij meç klikoni këtu....
19/05/2024 02:09-Fjalët e para të Usyk pasi u shpall kampion i padiskutueshëm i peshave të rënda në boks
Oleksandr Usyk është shpallur kampion i padiskutueshëm i peshave të rënda në boks, pasi fitoi me vendim të ndarë të gjyqtarëve ndaj Tyson Furyt pas 12 raundeve të zhvilluara.
Ishte një meç spektakolar mes dy boksierëve të cilët dhuruan spekaktël në ‘Kingdom Arena’ të Arabisë Saudite.
Fury ishte më dominues në raundet e para të këtij meçi, mirëpo teksa koha po kalonte Usyk e mori kontrollin total të meçit duke bërë që në fund të merrte fitoren.
19/05/2024 02:01-"Unë nuk do të ulem këtu të qaj dhe të kërkoj justifikime" - Tyson Fury flet pas humbjes
Tyson Fury shprehu zhgënjimin e tij pasi humbi me vendim të ndarë të gjyqtarëve me me pikë, në meçin që zgjati 12 raunde dhe fitues doli Oleksandr Usyk.
Ukrainasi e fiton meçin me vendim të ndarë nga gjyqtarët, me këto rezultate: 115-112, 113-114, 114-113. Nokdaun-i në raundin e nëntë rezulton të jetë vendimtar.
19/05/2024 01:41-USYK mposht FURYN, me vendim të ndarë të gjyqtarëve
OLEKSANDR USYK është kampioni i padiktueshëm i peshave të rënda pas fitores ndaj TYSON FURYT.
Ukrainasi e fiton meçin me vendim të ndarë nga gjyqtarët, me këto rezultate 115-112, 113-114, 114-113.
Nokdaun-i në raundin e nëntë rezulton të jetë vendimtar. USYK tani është një kampion i padiskutueshëm i botës.
19/05/2024 01:37-Sipas Sky Sports, Usyk ka fituar ndaj Furyt me pikë
Pa mbylljes së meçit shumë media janë të bindura që Usyk ka fituar me pikë. Sipas Sky Sports, ukrainasi fitoi me rezultat 116-112.
19/05/2024 01:35-Raundi i 12-të
Usyk zbret me një tjetër dorë të majtë të fortë në kokën e Furyt, i cili kundërpërgjigjet me një kombinim me tre grushta, megjithëse i mungon fuqia e vërtetë.
Dyshja shkëmbejnë disa goditje afër litarëve në sekondat e fundit përpara se të bjerë zilja.
Fury puth kokën e Usykut në shenjë respekti, përpara se të dy të festojnë me besim se janë kampioni i ri i padiskutueshëm të botës në peshat e rënda.
Një luftë magjepsëse dhe teknike mes dy boksierëve të shquar.
19/05/2024 01:32-Raundi i 11
Usyk del me vrap teksa kërkon dhe përpiqet të përfundojë. Ukrainasi godet me të djathtën në fytyrën e Fury, i cili më pas kundërpërgjigjet me një të fortë të djathtë.
Usyk godet sërish me atë dorën e majtë, por Fury e ka marrë veten, ku edhe godet në fund me të majtën.
Usyk është në epërsi, ndërsa Fury ka një raund për të shpëtuar këtë luftë.
19/05/2024 01:27-Raundi i 10
Usyk i ka rezistuar tundimit për të shkuar në kërkim të goditjes përfundimtare. Fury është rikuperuar, tani për tani.
Fury ka pasur disa kërcime, ndërsa Usyk ishte më i qetë se në raundin paraprak.
19/05/2024 01:24-Raundi 9
Kur po shkojmë dejt fundit, Usyk vazhdon me goditje, ku Fury vazhdon të ketë gjakderdhje nga hunda dhe për pak sa nuk u rrëzua.
Fury është plotësisht pa balancë në këmbë pas goditjeve dhe pengohet rreth ringut. Usyk shkon në kërkim të nokautit. Gjyqtari e jep si nokdaun, duke i dhënë Furyt një numërim në këmbë me Gypsy King që qëndroi në kënd.
Ai i mbijeton disi raundit, por gjendja e tij nuk ishte e mirë.
19/05/2024 01:20-Raundi 8
Fury është i pari që shkon në sulm, por Usyk kthehet fuqishëm në meç.
Ukrainasi rikthen dhe thyen gardën e Fury me atë goditje të fortë me të majtën.
Fury vjen me një goditje të shkëlqyer në trup, por Usyk kundërpërgjigjet me një goditje të fortë majtas në fytyrë që trondit Furyn. Ka gjak në hundën e e Furyt.
19/05/2024 01:15-Raundi 7
Fury e mbështet Usykun në litarë përpara se të godas disa herë. Puna e Usyk po neutralizohet, megjithëse ai kap një goditje të fortë me të majtën në kokën e Fury.
Pas kësaj dyshja shkëmbejnë disa grushte, ku Usyk sërish e godet Furyn me një goditje të fortë me të majtën në fytyrë.
Usyk shkon në sulm dhe jep disa goditja me të majtën të shkëlqyera.
19/05/2024 01:11-Raundi 6
Fury ka kapur kontrollin e kësaj lufte, ju mendoni. Ai lëshon një dorë të djathtë brutale në trupin e Usyk, të cilën ukrainasi e ndjen.
Usyk tërhiqet pasi i duhet ajër pas një goditjeje tjetër të madhe dhe tani 37-vjeçari po duket në telashe.
Duart e Fury janë shumë të shpejta. Ai po tregon vetëbesim, duke goditur nga gjitha pozicionet. Tani duket se britaniku ka luftën në dorën e tij.
19/05/2024 01:07-Raundi 5
Fury futet mirë me një kombinim me tre grushte në trupin e Usyk, i cili më pas godet me një goditje majtas.
Fury kthehet me dy goditje të tjera me trup që duket se po shqetësojnë Usyk, i cili më pas ankohet për një goditje të mundshme të ulët.
Fury po gjen gjuajtjet e tij më të mira dhe po dominon.
19/05/2024 01:03-Raundi 4
Fury e nis këtë raund dhe shkon me goditje në trupin e Usyk, i cili më e ndjen goditjen.
Fury rri në qoshe më shumë, duke e ditur se ai është mirë në këtë raund. Ky ishte raundi më e mirë e tij deri tani.
19/05/2024 00:59-Raundi 3
Usyk e nis bukur me një goditje me të majtën, ndërsa Fury shkon në qoshe.
Fury largohet shpejt, por ndiqet me shpejtësi nga kundërshtari i tij, dhe më pas dyshja u bashkuan për një ndalesë për herë të parë në këtë luftë, ndërsa Fury duket të imponohet fizikisht.
Fury godet në fund bukur.
19/05/2024 00:54-Raundi 2
Usyk gjen një kombinim të menjëhershëm me dy grushta, duke e kapur Furyn me dorën e majtë. Fury qesh, por kjo ishte një shenjë paralajmëruese.
Fury bën një goditje të mirë ndërsa Usyk lëviz.
Usyk godet, por edhe Fury më pas godet me dorën e djathtë, përpara se Usyk të kundërpërgjigjet me një goditje të majtë.
19/05/2024 00:51-Raundi 1
Fury vrapon për të marrë kontrollin në qendër të ringut, duke punuar menjëherë, por Usyk i dha një goditje të fort dhe të saktë.
Raundi i parë ishte i shkëlqyeshëm.
19/05/2024 00:38-Gjithçka gati – Fury dhe Usyk futen në ring
Ky meç ka zgjuar interesim mjaft të madh për shumë persona, madje është cilësuar edhe si “meçi i shekullit”.
Ky është meçi që përcakton kampionin e padiskutueshëm në peshën e rëndë që nga viti 1999 kur Lennox Lewis mposhti Evander Holyfieldin, ndërsa dy boksierët po luftojnë për titujt WBC, WBA, WBO dhe IBF.
19/05/2024 00:11-Klitschko: Usyk e di se çfarë të bëjë
Boksieri i madh ukrainas në peshat e rënda, Wladimir Klitschko ka për Sky Sports News para meçit mes Tyson Fury dhe Oleksandar Usyk.
"Ne kemi një marrëdhënie shumë të gjatë [me Usyk]. Ka disa kufij që kemi dhe respektojmë. Ai di të trajtojë peshat e rënda që kanë më shumë avantazh se ai, ai ka mësuar në të kaluarën dhe shpresojmë se do të ekzekutojë aftësitë e tij teknike sonte".
“Nuk do të flas për sekretet e përbashkëta, por do të tregohet sonte. Është e rëndësishme të zbatohet plani i tij dhe të përshtatet me atë që mund të ndodhë. Mbetet të shihet se si Tyson Fury e trajton teknikën e Usyk", ka thënë Klitschko.
19/05/2024 00:04-Jai Opetaia mposht Mairis Briedis pas 12 raundesh
Jai Opetaia ka fituar ndaj Mairis Briedis, me vendim të gjyqtarëve, pas 12 raundesh. Opetaia ka rifituar titullin e IBF me rezultatet 117-111, 116-112 dhe 116-112.
18/05/2024 23:11-Brenda dhomës së zhveshjes, po futemi në orën e fundit
Lufta unifikuese e shumëpritur për titullin botëror në peshën e rëndë midis Tyson Fury dhe Oleksandr Usyk, po afrohet.
Dyshja Fury dhe Usyk po bëjnë përgatitjet e fundit para meçit.
18/05/2024 23:06-Anthony Cacace fiton ndaj Cordinan
Anthony Cacace e mposhti Joe Cordinan për t'u bërë kampion i ri botëror i IBF në peshën super-pendël.
Ai shkarkon disa goditje radhazi mbi Cordina dhe gjyqtari Bob Williams e ndaloi ndeshjen.
18/05/2024 22:36-Kujtojmë boksierin shqiptar që ishte bërë shkaktar i anulimit të meçit mes Fury dhe Usyk
Meçi i shumëpritur mes Tyson Furyt dhe Oleksandr Usyk do të zhvillohet në orën 00:00 pas mesnate mes së shtunës dhe së dielës.
Nikoqir i kësaj ngjarje të madhe të sportit të boksit do të jetë Arabia Saudite me meçin që do të zhvillohet në ‘Kingdom Arena’.
Ky do të jetë meçi që përcakton kampionin e padiskutueshëm në peshën e rëndë që nga viti 1999 kur Lennox Leëis mposhti Evander Holyfieldin. Fury dhe Usyk po luftojnë për titujt WBC, WBA, WBO dhe IBF.
Paratë sa i përket çmimit përfundimtar nuk janë zbuluar ende, por që promotori i Furyt kishte thënë se ai do të marrë 100 milionë dollarë, pra diku rreth 70 për qind të fitimeve.
18/05/2024 22:21-Kabayel nokauton Sanchezin, meç eliminator për titull bote
Boksieri turk me shtetësi gjermane Agit Kabayel ka fituar rastin që të boksojë për titull bote në kategorinë e rëndë.
Kabayel të shtunën mbrëma në Riad të Arabisë Saudite, në parameç të duelit mes Tyson Furyt dhe Oleksandr Usykut, e nokautoi kubanin Frank Sanchez në meçin eliminator për titull bote në versionin WBC. Kabayel e rrëzoi dy herë Sanchezin në raundin e shtatë me goditje në trup.
Për Kabayelin 31-vjeçar është fitorja e 25-të në po aq meçe, 17 prej tyre i ka me nokaut. Sanchez ka pësuar humbjen e parë në karrierë pas 24 fitoreve.
18/05/2024 22:16-Osyk arrin në arenë me një lodër në duar
Olesandr Usyk mbërriti me një lodër në krahë për përballjen e madhe me Tyson Furyn.
18/05/2024 21:51-Tyson Fury mbërriti në arenë me stilin e tij
Tyson Fury ka arritur në arenën ku do të përballet me Oleksandr Usyk. Ai me plot stil ka zbritur nga makina që e shoqëronte.
18/05/2024 21:49-Cristiano Ronaldo dhe Anthony Joshua, ulur afër njëri- tjetrit për meçin Fury-Usyk
Duke jetuar në Riad, nuk kishte asnjë shans që Cristiano Ronaldo i Al Nassrit ta humbiste këtë meç. Dhe ai ka një vend në rreshtin e parë pranë një legjende tjetër të peshave të rënda, Anthony Joshua.
18/05/2024 21:28-Superkompjuteri zbulon rezultatin e meçit mes Tyson Fury dhe Oleksandr Usyk
Një superkompjuter ka parashikuar fituesin e meçit mes Tyson Fury dhe Oleksandr Usyk, që zhvillohet sonte në Riad të Arabisë Saudite.
Si Fury ashtu edhe Usyk kanë ëndërr për t’u bërë kampion i padiskutueshëm i botës dhe për të ruajtur rekordet e tyre si të pamposhtur
Boksi i peshave të rënda nuk ka pasur asnjë boksier që ka mbajtur rripat në WBA, WBC, IBF dhe WBO, që nga Lennox Lewis në 1999.
18/05/2024 21:01-Stërvitja e jashtëzakonshme e Usyk në Spanjë për tu përgatitur për Furyn: 250 raunde me 40 boksierë të ndryshëm
Oleksandr Usyk dhe Tyson Fury do të takohen sot në Riad të Arabisë Saudite, ku meçi mes tyre përcakton kampionin e padiskutueshëm të peshave të rënda.
Luftëtari i fundit që unifikoi rripat e tanishëm në kategorinë e peshave të rënda ishte Lennox Lewis, kur më 13 nëntor 1999, ai mposhti Evander Holyfield.
Boksieri ukrainas Oleksandr Usyk, kampioni aktual botëror i peshave të rënda në WBA, IBF dhe WBO, e bëri Gandian (Valenica) e bazën e tij të stërvitjeve për t’u përgatitur për këtë luftë, të planifikuar fillimisht për 17 shkurt, por që u shty për shkak të lëndimit të pësuar nga Fury gjatë stërvitjes.
18/05/2024 19:50-Pasuria marramendëse e Tyson Fury: Sa para fiton boksieri britanik pas çdo lufte?
Kjo luftë premton të jetë një natë e paharrueshme për të gjithë të pranishmit në këtë event si dhe ata që e përcjellin nga distanca në mbarë botën, dhe jo më kot nga shumë persona është cilësuar madje edhe si “meçi i shekullit”.
Fury, një boksier britanik, u bë i famshëm në vitin 2015 pasi mposhti Wladimir Klitschkon për t’u bërë kampion i kategorive WBA, IBF dhe WBO.
Sidoqoftë, regjimi i tij ishte jetëshkurtër pasi ai u desh që të hiqte dorë nga rripat për shkak të problemeve të vazhdueshme me drogën dhe alkoolin.
18/05/2024 19:04-Drake vë një bast të madh për meçin mes Fury dhe Usyk - kush fiton sipas reperit të famshëm?
Reperi Drake ka zbuluar se cilin mes Tyson Furyt dhe Oleksandr Usykut do ta mbështetë në supermeçin e sotëm mes dy gjigantëve të boksit.
Fury dhe Usyk sot do të ndeshen në Riad të Arabisë Saudite rreth orës 00:00, ku fituesi do të bëhet boksieri i parë që mban katër titujt e mëdhenj të botës.
Drake në “Instagram” ka zbuluar se ka vendosur bast.
18/05/2024 15:33-Nutricionisti i Tyson Fury zbulon sekretin që e bëri atë të kthehet në formë për gjashtë muaj
Nutricionisti i Tyson Fury, Greg Marriot ka treguar sekretin që e ka rikthyer në formë për gjashtë muaj boksierin britanik, duke e bërë gati për super meçin ndaj Oleksandr Usyk.
18/05/2024 14:48-Sa para do të fitojnë Fury dhe Usyk nga përballja e sotme në Arabinë Saudite?
Përplasja e shumëpritur mes Tyson Fury dhe Oleksandr Usyk sot (e shtunë) në Arabinë Saudite premton jo vetëm të përcaktojë kampionin e parë të padiskutueshëm të peshave të rënda në 24 vjet, por edhe të jetë një ngjarje fitimprurëse për të dy luftëtarët.
E vendosur të zhvillohet në Kingdom Arena në Riad, kjo ndeshje do të kurorëzojë ‘monarkun’ absolut të kategorisë së peshave të rënda për herë të parë që kur Lennox Lewis e arriti këtë në vitin 2000.
18/05/2024 10:55-Mike Tyson jep parashikimin për luftën Fury-Usyk dhe bën një pretendim të guximshëm
Jemi vetëm pak orë nga një nga ndeshjet më të rëndësishme të peshave të rënda në historinë e fundit të boksit. Sot (e shtunë) mbrëma, në Riad, Tyson Fury dhe Oleksandr Usyk do të shkojnë ‘kokë më kokë’ për të vendosur se kush do të kurorëzohet mbreti i padiskutueshëm i divizionit.
Gara pritet të jetë jashtëzakonisht e ngushtë. Shanset e basteve e kanë treguar këtë. Fury është aktualisht një favorit shumë i lehtë dhe shanset e tij kanë rënie modeste gjatë javëve të fundit.
Ndërsa fansat analizojnë luftën, një legjendë boksi ka dalë për të dhënë mendimin e tij për këtë meç.
Legjenda amerikane e boksit, Mike Tyson po mbështet anglezin Fury për të fituar luftën ndaj ukrainasit Usyk.
17/05/2024 23:28-Gjithçka çfarë duhet të dini për meçi mes Tyson Fury dhe Oleksandr Usyk: Koha, titujt, rekordet dhe pesha e tyre
Lufta unifikuese e shumëpritur për titullin botëror në peshën e rëndë midis Tyson Fury dhe Oleksandr Usyk do të zhvillohet në Arabinë Saudite të shtunën.
Fury, britaniku 35-vjeçar, kampion i WBC-së do të përballet me homologun e tij 37-vjeçar ukrainas, Usyk – i cili mban rripat në WBA, WBO, IBF dhe IBO.
Kjo luftë do të zgjatë 12 raunde në eventin e boksit të emëruar si “Ring of Fire në Riad”.
17/05/2024 23:27-Tension, shtyrje dhe ofendime pas matjeve zyrtare mes Fury dhe Usyk
Pas takimit të parë të djeshëm (e enjte) që kaloi në qetësi, ky i sotmi kur dy boksierët e mëdhenj, Tyson Fury dhe Oleksandr Usuk u peshuan, kishte shtyrje dhe ofendime, nga britaniku.
Dy boksierët sot u përplasën kur u përballën me njëri-tjetrin, pasi Fury dje kishte refuzuar të shikonte Usyk gjatë konferencës për shtyp.
Ata shkuan kokë më kokë për disa sekonda përpara se të shtynin njëri-tjetrin, duke detyruar kujdestarët dhe sigurimin të ndërhynin shpejt.
17/05/2024 23:26-Mbahen matjet zyrtare para meçit mes Fury dhe Usyk, këto ishin peshat e kampionëve të boksit
Tyson Fury dhe Oleksandr Usyk do të jenë të shtunën në mesnatë përballë njëri – tjetrit në meçin që unifikon kampionin e padiskutueshëm në peshat e rënda.
Fury mban titullin WBC, ndërsa Usyk është në posedon titujt e WBA, WBO dhe IBF.
Sot janë mbajtur edhe matjet zyrtare të dy boksierëve, ku Tyson Fury peshoi më pak se në luftën e tij të fundit kundër Francis Ngannou.
17/05/2024 23:25-Fury refuzon ta shikojë Usykun në sy në takimin e parë
Tyson Fury refuzoi ta shikonte Oleksandr Usyk në sy, teksa dy kampionët e botës dolën ballë për ballë përpara meçit për titullin e peshave të rënda të së shtunës.
Fituesi do të kurorëzohet si kampioni i parë i padiskutueshëm i divizionit në epokën e katër rripave.
Të dy kampionët shkëmbyen shumë pak fjalë në një konferencë shtypi para meçit në Riad të Arabisë Saudite.
17/05/2024 23:24-Legjenda e boksi tregon se kush do të fitojë meçin mes Fury dhe Usyk
Kampioni i madh i peshave të rënda Lennox Lewis, ka folur së fundmi foli për luftën e ardhshme mes Tyson Fury dhe Oleksandr Usyk.
Si një britanik, Lewis është padyshim i njëanshëm pasi ai do të mbështesë bashkatdhetarin e tij të shtunën në Riyadh të Arabisë Saudite.
Nëse Fury fiton, do të bëhet boksieri i parë në histori që i mban të katër titujt e mëdhenj të botës, ndërsa Lewis ishte kampion i padiskutueshëm para 25 vjetësh, kur i kishte fituar tre tituj të botës.
17/05/2024 23:23-Reagimi i furishëm i Oleksandr Usyk pasi babai i Tyson Furyt goditi me kokë shokun e tij të skuadrës
Një video e re tregon reagimin e menjëhershëm të Oleksandr Usyk ndaj sulmit të një anëtari të ekipit të tij nga John Fury.
Ukrainasi mbeti i shtangur nga veprimet tronditëse të babait të Tyson Furyt teksa intervista e tij me Sky Sports u ndërpre.
Autoritetet e Arabisë Saudite kanë marrë një vendim nëse do të ndëshkojnë 59-vjeçarin për goditjen në kokë.
17/05/2024 23:22-Tensione para duelit Fury-Usyk: Babai i Gypsy King godet me kokë një anëtar të ekipit të ukrainasit
Babai i Tyson Fury, John goditi me kokë një anëtari të ekipit të Oleksandr Usyk në hollin e hotelit Riyadh Hilton në Arabinë Saudite, përpara luftës të së dielës në vendin e Lindjes së Mesme
Në pamjet që u përhapen shpejt në internet, Fury mbeti i gjakosur në ball kur u përplas dhe duhej të ndalohej.
17/05/2024 23:20-Anthony Joshua parashikon fituesin e meçit mes Tyson Furyt dhe Oleksandr Usyk
Anthony Joshua ka bërë një parashikim të guximshëm se kush do ta fitojë përballjen mes Tyson Fury dhe Oleksandr Usyk.
Më 18 maj, dy kampionët e peshave të rënda do të dalin në ring në Arabinë Saudite për të përcaktuar fituesin.
Fury do të mbrojë titullin e tij në WBC ndërsa Usyk do të vendosë titujt e tij në WBA, WBO dhe IBF.
