Ashtu siç edhe kishin paralajmëruar prej kohësh, këngëtarja Genta Ismajli dhe reperi Fero kanë publikuar tashmë bashkëpunimin e tyre më të ri.
“Level Up” mban titullin kënga e tyre e re, e cila është ritmike e zhanrit hip-hop.
Kënga është punuar nga producentët Tonik dhe Denk, ndërsa për tekstin është kujdesur Fero.
Dyshja nga Gjilani kanë bashkuar forcat për këtë bashkëpunim, i cili për herë të parë e ka sjell Gentën në një interpretim të veçantë, në stilin rap.
Kënga është vizualizuar edhe me klip, xhirimet e të cilit janë kryer në Kosovë.
Për anën vizuale të projektit është kujdesur Gang Gang Films.
Ky është projekti i parë muzikor i Gentës për këtë vit, ndërsa Fero numëron tashmë një numër të madh këngësh që ka sjell brenda tri muajve të parë të vitit, përfshirë këtu edhe shumë bashkëpunime. /Telegrafi/