Katër kandidatë janë zyrtarizuar për të garuar në zgjedhjet lokale të 12 tetorit për kryetar të Komunës së Pejës.
Subjektet kryesore politike kanë bërë të ditur emrat e kandidatëve që do të garojnë për postin e kryetarit të kësaj komune të rëndësishme në perëndim të vendit, transmeton Telegrafi.
Në garë do të jenë: Gazmend Muhaxheri nga Lidhja Demokratike e Kosovës (LDK), aktualisht kryetar i komunës që kërkon një mandat tjetër.
Taulant Kelmendi nga Lëvizja Vetëvendosje (LVV).
Arta Nallbani nga Partia Demokratike e Kosovës (PDK).
Dhe Ali Berisha nga Aleanca për Ardhmërinë e Kosovës (AAK).
Fushata pritet të jetë dinamike, me përballje të fortë mes kandidatëve që synojnë të fitojnë besimin e qytetarëve të Pejës. Në ndërkohë, pritet të shihet nëse garës do t’i shtohen edhe kandidatë të tjerë nga subjekte më të vogla apo kandidatë të pavarur.
Komisioni Qendror i Zgjedhjeve ka nisur tashmë përgatitjet për organizimin e procesit zgjedhor në të gjitha komunat e vendit./Telegrafi/