Liverpooli është nikoqir i Portos për ta zhvilluar ndeshjen kthyese të 1/8 së finales të Ligës së Kampionëve.
Redsat fituan me rezultat 5-0 në Estadio do Dragao, prandaj janë favoritë absolutë për t'u kualifikuar në çerekfinale.
Atyre iu mbetet që t'i zhvillojnë 90 minutat e mbetura në Anfield, në mënyrë që edhe zyrtarisht ta konfirmojnë kualifikimin e mëtutjeshëm.
Jurgen Klopp nuk ka pasur nevojë që të bëjë shumë përgatitje për këtë ndeshje, duke qenë se rezultati është praktikisht i pamundur që të përmbyset.
Këtë gjë e di edhe homologu i tij te skuadra kundërshtare, Sergio Conceicao, i cili do të përpiqet që të mos humbë me aq gola sa humbi në terren vendas.
Formacioni startues i Liverpoolit: Karius, Gomez, Matip, Lovren, Moreno, Milner, Henderson, Can, Lallana, Mane, Firmino.
/Telegrafi/