12/05/2019
Tifozët e Liverpoolit kanë kaluar në dëlir pas golit të Brightonit ndaj Manchester Cityt.
Liverpooli është në epërsi ndaj Wolverhamptonit me rezultat 1-0 falë një goli të Sadio Mane.
Një fitore e tyre dhe një humbje ose barazim i Manchester Cityt do të bënte ëndrrën realitet, fitimin e titullit kampion.
Për disa minuta tifozët Reds ëndërruan pasi City pranoi gol në minutën e 27-të nga Brightoni.
Ishte Glenn Murray, i cili shënoi me kokë për 1-0 dhe dërgoi në dëlir tifozët e Liverpoolit.
Festa e tyre ishte e madhe pas këtij goli si në stadiumin Anfield ashtu edhe në pub-et ku janë mbledhur.
Megjithatë, kjo festë zgjati vetëm një minutë pasi City arriti të barazoj 1-1 me anë të Sergio Agueros. /Telegrafi/