Liverpool është finalist i dytë i Ligës së Kampionëve.
The Reds janë kualifikuar për në ndeshjen vendimtare të ligës elitare evropiane për klube.
Anglezët kanë pësuar humbje me rezultat 4-2, por janë kualifikuar pasi që kanë triumfuar në takimin e parë me rezultat 5-2.
Pas takimit ka folur trajneri italian, Eusebio Di Francesco, i cili ndjen keqardhje për eliminimin.
"Ne jemi rritur me këtë përvojë, por ndjej keqardhje sepse kjo skuadër duhet të besoj më shumë", tha trajneri për Mediaset Premium.
"Unë jam para së gjithash i zhgënjyer me eliminimin tonë dhe i përgëzoi lojtarët për pjesën e dytë të zhvilluar".
"Do të jetë e rëndësishme që romakët të jenë protagonistë në Ligën e Kampionëve përsëri në sezonin e ardhshëm, por së pari duhet të sigurojmë një vend në Serie A", tha italiani.
Kujtojmë se të besuarit e trajnerit Jurgen Klopp në finale do të takohen me Real Madridin. /Telegrafi/