Enis Bunjaki shënon për Gjermaninë U-19
10/10/2015
Talenti kaçanikas realizoi gol në fitoren 1-0 ndaj Meksikos, në kuadër të Kupës Elite.
Enisi shënoi në minutën 67 dhe sipas ‘Kicker.de’, ai ishte lojtari më i mirë në ndeshje. Gjermania kryeson grupin me 6 pikë nga dy ndeshje.
“Nervat e forta të Bunjakit shpëtojnë Gjermaninë”, ishte titulli i ‘Kicker’, përcjell GazetaOlle.com.
Ky është goli i katërt i Enisit me Gjermaninë U-19.
17-vjeçari vitin e kaluar ishte pjesë e Përfaqësueses A të Kosovës. Ai ka kontratë me Eintracht Frankfurtit, me të cilët është në pritje të debutimit në Bundesligë.
Për Gjermaninë U-19 luajti edhe talenti tjetër kosovar, Arianit Ferati.