21/09/2019
Edhe dy dridhje kanë ndodhur në Shqipëri, duke e çuar në pesë numrin e dridhjeve këtë të shtunë.
Lëkundjet zgjatën disa sekonda duke rritur panikun tek qytetarët që tani e kanë të vështirë të rikthehen në banesa.
Lëkundja e tretë ishte 4.4 ballë.
Sipas Ministrisë së Mbrojtjes, ky termet konsiderohet si më i forti në 20-30 vitet e fundit.
Kujtojmë se rreth orës 16:00 tre dridhje ndodhën në afërsi të Durrësit dhe Tiranës, ku përveç dëmeve materiale raportohet se ka edhe të lënduar.
Sipas Earthquake.usgs.gov, dridhjet e tokës janë hetuar në Kosovë, Itali, Bullgari, Bosnjë, Serbi, Kroaci, Greqi, Maqedoni Veriore dhe Mal të Zi./Telegrafi/
