Që në fillim, Real Madridi e ka bërë të qartë se tranzicioni nuk do të jetë traumatik. Në mes të pushimit ndërkombëtar, klubi i udhëhequr nga Xabi Alonso po shqyrton atë që është arritur deri më tani dhe po planifikon me kujdes për verën e vitit 2026, i vendosur të kombinojë përvojën dhe të rinjtë.
Në prezantimin e tij, Alonso theksoi se detyra e ekipit është që të përmirësohen vazhdimisht.
"Është detyra jonë të përpiqemi gjithmonë të përmirësohemi... Unë nuk vij me kërkesa, por me dëshirë për të punuar”, deklaroi ai.
Kjo filozofi përcakton tonin për një plan që tashmë përfshin operacione të brendshme të rëndësishme pa sakrifikuar rezultatet e menjëhershme.
Dy emra kanë filluar të përmenden fuqishëm: Nico Paz dhe Chema Andras. Të dy lojtarë të rinj të dalë nga La Fabrica, po shkëlqejnë edhe jashtë klubit dhe kanë rënë në sy të tifozëve të Real Madridit.
Paz, te Como, po bën një nisje të shkëlqyer në Itali me gola dhe asistime që tregojnë rritjen dhe pjekurinë e tij futbollistike. Chema Andres, te Stuttgart, e ka vendosur veten si një mesfushor mbrojtës, duke demonstruar një profil shumë të plotë, me inteligjencë taktike dhe personalitet.
Real Madridi mban klauzola rikthimi për të dy talentët. Nëse vendosin t’i ushtrojnë ato, do të lindë një nevojë e menjëhershme: të lirojnë hapësirë në skuadër për rikthimin e tyre në Santiago Bernabeu.
Ceballos dhe Mendy, të sakrifikuarit në epokën e re të Los Blancos
Sipas DefensaCentral, përfundimi logjik është se, për t'u bërë vend lojtarëve të rinj, emrat që mund të largohen janë Dani Ceballos dhe Ferland Mendy.
Plani i klubit mbretëror është i qartë: t’i japë përparësi lojtarëve me ADN dhe freski të Real Madridit, duke lënë pas ata që nuk arrijnë të vendosen në rotacion.
Ceballos mezi është paraqitur në muajt e fundit dhe prania e tij e vazhdueshme ngre shqetësime brenda stafit të trajnerëve. Xabi Alonso e vlerëson talentin e tij, por dobësia e tij fizike dhe konkurrenca në mesfushë e ndërlikojnë rolin e tij afatgjatë.
Nga ana e tij, Mendy nuk ka qenë bindës në sulm dhe performancat e tij të paqëndrueshme e kanë lënë në baltë. Largimi i tij do t'i hapte derën një mbrojtësi të ri, ndërsa klubi po shqyrton mundësi si Ibrahima Konate, Dayot Upamecano ose Marc Guehi për të forcuar mbrojtjen. /Telegrafi/