14/07/2021
Gianluigi Donnarumma ka arritur në Paris për ta nënshkruar kontratën me Paris Saint-Germainin.
Ish-portieri i Milanit do t’i bashkohet klubit francez si lojtar i lirë, duke qenë se i ka përfunduar kontrata me Rossonerët.
Portieri italian arrin në Parc des Princes pasi u shpall lojtari më i mirë i Kampionatit Evropian, ‘Euro 2020’, të cilin e fitoi Italia.
Siç pritej, pas mesazhit lamtumirës që ia dedikoi Milanit, 22-vjeçari ka arritur pasditen e të mërkurës në kryeqytetin francez.
Në bazë të njoftimeve, Donnarumma do të nënshkruajë kontratë pesëvjeçare në vlerë prej 12 milionë eurosh në sezon. /Telegrafi/