Diego Simeone do të jetë në gjendje të drejtojë skuadrën në sfidën e Ligës së Kampionëve.
Trajneri argjentinas i Atletico Madridit i ka shpëtuar një dënimi pas një gjesti të pahijshëm që bëri në takimin e parë kundër Juventusit.
Trupi i Kontrollit, Etikës dhe Disiplinës i UEFA-s njoftoi të enjten se Simeone është dënuar me para, ku shuma kap shifrat e njëzet mijë eurove.
Ish-mesfushor i Interit dhe Lazios shkaktoi polemika gjatë festimit të një goli të shënuar të madrilenëve, duke u kthyer në drejtim të tifozëve në Wanda Metropolitano dhe prekur testikujt.
Edhe pse këmbënguli se gjestin e kishte bërë me gjithë zemër, shumë e konsideruan atë si një protestë ndaj VAR-it, e cila gjë në të kaluarën e kishte dënuar me mos paraqitje në bankën rezervë.
Megjithatë, AS shpjegon se argjentinasi mori pjesë në seancë dhe kërkoi ndjesë për veprimet, duke argumentuar se ishte një reagim spontan, i cili theksonte karakterin e ekipit të tij.
Ndryshe, ndeshja e dytë e mes spanjollëve dhe italianëve zhvillohet në Torino të martën e ardhshme, ku Atletico në takimin e parë kishte triumfuar me rezultat 2-0. /Telegrafi/