Dhjetëra pelegrinë indianë humbën jetën, pasi një autobus u përplas me një cisternë nafte në Arabinë Saudite
Të paktën 45 myslimanë indianë kanë gjetur vdekjen pasi një autobus që i transportonte ata midis vendeve të pelegrinazhit në Arabinë Saudite ka pësuar aksident.
Autobusi u përplas me një cisternë nafte në një autostradë ndërsa udhëtonte nga qyteti i shenjtë i Mekës në Medinë të hënën, sipas raportimeve të mediave indiane, shkruan Al Jazeera, përcjell Telegrafi.
"Aksidenti tragjik me autobus që përfshinte pelegrinët indianë në Arabinë Saudite është thellësisht shqetësues", u tha gazetarëve VC Sajjanar, komisioner i policisë për qytetin e Hyderabadit, nga ku raportohet se vinin shumë nga qytetarët indianë.
Several Indian Umrah pilgrims—many reportedly from Telangana—are feared dead after a tragic bus accident in Madina, Saudi Arabia, on November 17.
Early reports suggest that around 40 Indian nationals were on board when the bus collided with an oil tanker at around 1:30 am (IST).… pic.twitter.com/sWWA1vyeia
— Diplomat Times (@diplomattimes) November 17, 2025
"Sipas informacioneve paraprake, 46 persona po udhëtonin në autobus në kohën e incidentit dhe, për fat të keq, vetëm një person mbijetoi".
Shumica e viktimave ishin nga dy familje, shtoi ai.
Diplomatët dhe politikanët shprehën ngushëllimet e tyre për incidentin "tragjik".
Kryeministri Narendra Modi shkroi në mediat sociale se ishte "thellësisht i trishtuar", se "mendimet e tij janë me familjet që kanë humbur të dashurit e tyre". /Telegrafi/