Në stadiumin “Fadil Vokrri” në Prishtinë, Kosova zhvillon ndeshjen e raundit të fundit në kuadër të Grupit 2 në Ligën C të Ligës së Kombeve.
Qiproja është kundërshtari i Dardanëve, ndërsa të dyja këto skuadra kanë për qëllim që të shmangin rënien në Ligën D.
Kosova synon fitoren para tifozëve të vet, mirëpo do t’i mjaftojë edhe një barazim për të qëndruar në Ligën C.
Telegrafi ju mban të informuar në kohë reale për detajet e ndeshjes Kosova – Qipro.
27/09/2022 22:33-Përfundon ndeshja
Ka përfunduar ndeshja e Ligës së Kombeve ndërmjet Kosovës dhe Qipros në Stadiumin “Fadil Vokrri”. Dardanët e gjetën pesë herë rrjetën dhe pranuan një gol.
27/09/2022 22:28-Sërish Muriqi
84' Harkim fantastik nga Rashica dhe Muriqi e realizoi golin e dytë personal me goditje me kokë.
27/09/2022 22:27
83' Milot Rashica nuk arrin ta shënojë golin e pestë.
27/09/2022 22:25-Qipro shënon një gol
81' Kosova pranon gol.
27/09/2022 22:16
73’ Tjetër goditje e bukur nga Florent Muslija, por portieri qipriot ia mohon një tjetër gol të bukur.
27/09/2022 22:11
68' Raste të njëpasnjëshme të nikoqirëve, të cilët duan të shënojnë gola të tjerë.
27/09/2022 22:00
57' Mundësi për golin e pestë, Rashani ishte afër.
27/09/2022 21:55-Muriqiiiii
52' Nuk mund të mungonte goli i Vedat Muriqit! Sulmuesi shtatlartë pranoi një top nga Muslija dhe e plotësoi listën e golave të bukur në këtë mbrëmje.
27/09/2022 21:49-3-0, fillim i frikshëm i pjesës së dytë
47' Kombinime nga Celina dhe Muriqi, ky i fundit e godet shtyllën, ndërsa Elbasan Rashani ishte në vendin e duhur për të shënuar.
27/09/2022 21:48-Fillon pjesa e dytë
46’ Ka nisur gjysma e dytë e takimit ndërmjet Kosovës dhe Qipros në stadiumin “Fadil Vokrri” në Prishtinë.
Dardanët janë në epërsi prej dy golave të shënuar nga Florent Muslija (22’) dhe Donat Rrudhani (45’).
27/09/2022 21:34-Përfundon pjesa e parë
Dy gola të mrekullueshëm i kanë realizuar vendasit përmes Florent Muslijës (22’) dhe Donat Rrudhanit (45’).
27/09/2022 21:31-Tjetër supergooooool... asiton Muriqi, realizon Rrudhani
45’ Kosova e ka realizuar edhe golin e dytë në fund të pjesës së parë ndaj Qipros në stadiumin “Fadil Vokrri’. Muriqi asistoi te Donat Rrudhani, i cili krijoi hapësirë dhe shënoi.
https://twitter.com/_TheNextWave/status/1574846688493293572
https://twitter.com/DardanianFooty/status/1574845901314707457
27/09/2022 21:26
40' Goditje me kokë nga Muriqi, por intervenon portieri i Qipros.
27/09/2022 21:22
37’ Vazhdojnë rastet e shumta të Kosovës, mirëpo kësaj radhe mungoi finalizimi.
27/09/2022 21:18
33’ Situatë e rrezikshme në anën tjetër, por bllokon Rrudhani.
27/09/2022 21:14
28' Tjetër mundësi për Arbër Zenelin, por topi shkon jashtë.
27/09/2022 21:07-Goooool... Muslija i jashtëzakonshëm
22' Supergol!!! Harkimi i Hadërgjonajt u devijua nga një lojtar kundërshtar dhe shkoi në këmbët e Florent Muslijës, i cili shënoi një gol shumë të bukur.
https://twitter.com/DardanianFooty/status/1574840056401072163
https://twitter.com/sr_samuel_99/status/1574839564170137606
27/09/2022 21:03
18’ Dardanët me synim të qartë, vazhdojnë në ndërtimin e rasteve për t’u treguar të rrezikshëm përballë portës kundërshtare.
27/09/2022 21:00
15’ Muslija provon goditjen nga jashtë gjashtëmbëdhjetëmetërshit, por topi shkon jashtë.
27/09/2022 20:54
9’ Kombinime të bukura ndërmjet Muriqit dhe Zenelit, por ky i fundit preferoi të pasonte në vend se të gjuante në portë.
27/09/2022 20:50
5’ Përpjekje për të ndërtuar një aksion të mirë, por ndalet harkimi i Hadërgjonajt.
27/09/2022 20:46
1' Pritje e mrekullueshme nga Ujkani. Mysafirët rrezikojnë që në start të takimit, por portieri ynë bëri pritje fantastike.
27/09/2022 20:45-Fillon ndeshja
1’ Ka nisur ndeshja ndërmjet Kosovës dhe Qipros e vlefshme për Grupin 2 në Ligën C të Ligës së Kombeve.
27/09/2022 19:29-Rreshtimi i Kosovës
27/09/2022 19:27-Përballjet direkte
27/09/2022 19:16-Forma e skuadrave në pesë ndeshjet e fundit
27/09/2022 19:13-Formacionet zyrtare
Formacioni startues si Kosovës: Ujkani, Hadergjonaj, Kryeziu, Rrahmani, Rrudhani, Fazliji, Muslija, Celina, Zeneli, Rashani, Muriqi.
Formacioni startues i Qipros: Panayi; Andreou, Roberge, Katelaris, Ioannou; Kyriakou, Kastanos, Artymatas; Loizou, Tzionis, Sotiriou.
27/09/2022 19:11-Deklarata e Giresse
Alain Giresse është i kënaqur me punën që ka te Përfaqësuesja e Kosovës. Trajneri francez ka folur në konferencë për shtyp para përballjes me Qipron që zhvillohet të martën në stadiumin ‘Fadil Vokrri’.
“Deri më tani jam i kënaqur te Kosova, jam duke punuar në kushte shumë të mira”.
“Këta futbollistë që kemi duhet të bëjnë progres. Duam ta dërgojmë ekipin në një tjetër nivel”, u shpreh trajneri francez.
Giresse ndër të tjera tha se kërkon vetëm fitoren ndaj Qipros të martën mbrëma për ta mbyllur të dytët në grup.
“Nesër e kemi ndeshjen e radhës. Qëllimi është fitorja ndaj Qipros që ta mbajmë pozitën e dytë në tabelë”, u shpreh Giresse.
