Cristiano Ronaldo festoi ditëlindjen e tij të 37-të të shtunën (5 shkurt) me partneren e tij prej më shumë se pesë vitesh, Georgina Rodriguez pranë tij.
Futbollisti portugez dukej elegant me një bluzë të zezë, ndërsa Georgina - e cila vendosi njërën dorë në gjoksin e partnerit të saj - mahniti me një këmishë po ashtu të zezë.
Përpara Cristianos ishte një tortë e madhe, e mbuluar me luleshtrydhe dhe ylli i futbollit shkroi sipër fotos së tij të ëmbël një mbishkrim të gjatë të përzemërt, duke theksuar se 'gjithçka varet nga dashuria'.
“Jeta është një slitë. Punë e palodhur, shpejtësi e lartë, qëllime urgjente, pritshmëri kërkuese...Por në fund, gjithçka varet nga familja, dashuria, ndershmëria, miqësia, vlerat që i bëjnë të gjitha të vlefshme. Faleminderit për të gjitha mesazhet! 37 dhe duke numëruar!”, ka shkruar Ronaldo.
Festa vjen pasi Cristiano tha se është '1000 për qind' i sigurt se do të martohet me Georgina, duke pranuar se kjo mund të ndodhë brenda vetëm një muaji.
Futbollisti ka thënë më parë se ata do të martohen 'një ditë' dhe Georgina këmbëngul se ajo do të thotë 'po' kur ai të bëjë pyetjen.
Në dokumentarin e ri të Georgina në Netflix, 'I Am Georgina', sportisti la të kuptohet se ata mund të kurorëzojnë dashurinë shumë shpjet.
“Gjithmonë i them Georginës se kur marrim atë shkëndijën, si gjithçka në jetën tonë dhe ajo e di se për çfarë po flas. Mund të jetë brenda një viti, ose mund të jetë në gjashtë muaj ose në një muaj. Jam 1000 për qind i sigurt se do të ndodhë”, ishte shprehur futbollisti i Manchester United.
Theksojmë që çifti po presin të bëhen sërish prindër të binjakët në prill të këtij viti. /Telegrafi/