Filmbërësi legjendar, Francis Ford Coppola, ka vendosur të përfshihet në listën e atrye që i kanë kritikuar filmat e Marvel.
Javë më parë, regjisori Martin Scorsese deklaroi se filmat me superheronj "nuk janë filma të vërtet", derisa autori i filmave "Godfather" i ka quajtur të neveritshëm filmat e Marvel.
Gjatë një prononcimi të shkurtë për gazetarët në Lyon të Francës, Coppola është pyetur edhe në lidhje me projektet e Marvel.
"Kur Scorsese deklaroi se filmat e Marvel nuk janë filma të vërtetë kishte të drejtë, sepse nga filmat e vërtetë mund të mësojmë diçka, të përfitojmë, mund të na ndriçojnë dhe të na japin njohuri dhe frymëzim", është shprehur 80-vjeçari.
Regjisori, producenti dhe skenaristi, ka thënë se nuk e ka të qartë se çfarë përfitojnë njerëzit nga filmat e tillë.
"Scorsese ishte shumë i butë në deklaratën e tij. Sipas meje, filmat e këtillë janë të neveritshëm", ka shtuar Coppola. /Telegrafi/