Cillessen zëvendësues i De Geas

Sipas medieve angleze dhe atyre holandeze, portieri holandez Jasper Cillessen mund të jetë numri një në të ardhmen për ‘Djajtë e Kuq’.

‘Tulipani’, është njëri nga lojtarët më të dashur nga strategu holandez Louis Van Gaal dhe për këtë arsyeje po e kërkon për portën e Unitedit.

Anëtari i Ajaxit ka treguar paraqitje të mira edhe në Kampionatin Botëror gjatë vitit të kaluar kur ishte zgjedhja e parë për Van Gaalin.

Ndërkohë transferimi i tij në United mund të kompletohet për një shumë rreth 10 milionë euro. /Telegrafi/