Pas humbjes tronditëse të Benficës ndaj Qarabağ, klubi portugez vendosi të ndërpresë marrëdhëniet me trajnerin Bruno Lage.
Në këtë situatë, Jose Mourinho, aktualisht i lirë pas largimit nga Fenerbahçe në fillim të verës dhe po lidhet fuqishëm me skuadrën nga Lisbona.
Nëse marrëveshja finalizohet, legjenda portugeze do të rikthehet në skenën e Ligës së Kampionëve, ku do të përballet me disa nga skuadrat më të mëdha evropiane, përfshirë Chelsea, Real Madrid, Napoli, Juventus, Ajax, Newcastle dhe Bayer Leverkusen.
Ky do të ishte një sfidë e re evropiane për “Special One”, një lloj provë në të cilën Mourinho ka treguar gjithmonë aftësitë e tij taktike dhe instinktet fituese.
Pas largimit nga Fenerbahçe, ku dështoi të sigurojë një vend në Ligën e Kampionëve, portugezi mbetet një nga trajnerët më të kërkuar dhe me eksperiencë në garat evropiane.
Mourinho mori 15 milionë euro kompensim për ndërprerjen e kontratës së tij me klubin turk, duke çuar të ardhurat e tij totale nga shkarkimet në mbi 100 milionë euro.
Rikthimi në Benficë do të jetë një mundësi për të sfiduar sërish elitat e Evropës dhe për të treguar se “Special One” nuk e ka humbur asnjëherë talentin për t’u përballur me skuadrat më të forta. /Telegrafi/