Këngëtari i njohur i estradës shqiptare, Butrint Imeri, së fundmi ka bërë disa ndryshime në dukjen e tij.
Që nga paraqitja e tij e parë, nuk është se ka bërë ndonjë ndryshim të madh në dukje, ndërsa tani duket se i ka ardhur koha.
Në një postim në rrjetin social Instagram, krijuesi i hitit “Bella”, ka publikuar një video në të cilën vë në dukje ndryshimin, ndërsa paralajmëron publikimin e këngës.
“Si përpara” titullohet projekti i tij i radhës, prej të cilit i ka publikuar edhe disa sekuenca nga xhirimet e klipit.
Po ashtu, në secilën këngë të mëparme të publikuar nga ai, tashmë ndodhet edhe kopertine me titullin e këngës para secilës prej tyre.
Para një muaji, Butrinti kishte sjellë për fansat e tij, versionin akustik të disa prej hiteve të tij. /Telegrafi/