Një nga bankat më të mëdha franceze Societe Generale ka bërë të ditur se do t’i ndalojë aktivitetet e saja në Rusi si kundërpërgjigje ndaj agresionit ushtarak në Ukrainë.
Po ashtu, banka ka njoftuar se do t’i shesë aksionet e saj te Rosbank.
Societe Generale tha se tërheqja e saj nga Rusia do t’i kushtojë 3.4 miliardë dollarë.
Sipas bankës, transferimi i 99 për qind të aksioneve në Rusi kërkon miratimin e rregullatorit vendas.
“Me këtë marrëveshje, grupi do të dalë në mënyrë efektive dhe të rregullt nga Rusia, duke mos shkaktuar ndërprerje për punonjësit dhe klientët”, ka njoftuar banka.
Agresioni ushtarak i Rusisë në Ukrainë ka nxitur një varg sanksionesh të ashpra nga Shtetet e Bashkuara, Evropa dhe Britania e Madhe.
Sanksionet kanë bërë që mbi 600 kompani perëndimore t’i shesin asetet e tyre në Rusi dhe të largohen nga ky vend. /Telegrafi/