Agjenti i sulmuesit të Real Madridit, Gareth Bale ka paralajmëruar klubet në të gjithë Evropën, Amerikën e Veriut dhe Kinën për disponueshmërinë e tij në janar.El Mundo Deportivo nxjerr në pah raportet që Jonathan Barnett ka shpërndarë disponueshmërinë e klientit të tij në një varg klubesh, sepse dëshiron dëshpërimisht largimin nga kryeqyteti spanjoll.
Kjo vijon nga raportimet në fillim të kësaj jave nga gazetari spanjoll i futbollit Guillem Balague i cili foli në BBC dhe Diario AS se uellsiani është i zemëruar me situatën ku e gjen veten dhe tani është gati të largohet nga klubi.
Bëhet e ditur që Bale u acaruar në ndeshjen e fundit në Ligën e Kampionëve kundër Club Brugge duke u lënë jashtë pa asnjë sqarim, pasi ai ishte plotësisht i aftë dhe pa lëndime për takimin.
30-vjeçari ishte dukur se po kthehej në formë të plotë dhe palestër në javët e para të sezonit, por tani thuhet se është i pakënaqur me trajtimin e tij nga trajneri Zinedine Zidane dhe klubi në përgjithësi.
Bales i kanë mbetur tre vjet në kontratën e tij në Madrid dhe kontrata e tij joshëse bëri që ai të mos e kërkoj largimin nga skuadra në këtë verë që shkoi.
Uellsiani ishte shumë afër të kalonte në Kinë, por marrëveshja u ndalua nga Florentino Perez - pasi ata nuk do të kishin marrë një tarifë.
Bale ka fituar katër Ligë të Kampionëve, një titull të La Ligës, një Kupë të Mbretit dhe tre Superkupa të UEFA-s dhe Kupa Botërore të Klubeve gjatë kohës së tij në Real, duke shënuar mbi 100 gola gjatë gjashtë viteve. /Telegrafi/