Arsim Prepolli rrëfen se si bëri 52 orë udhëtim për të kompletuar transferimin në Bosnje
Në episodin më të ri të podcastit “Arena e Yjeve”, prodhim i Telegrafit, mysafir është Arsim Prepolli, ish-futbollist i cili pati një karrierë të pasur brenda dhe jashtë vendit. Ky episod realizohet me mbështetjen e sponsorëve zyrtarë Golden Eagle dhe Air Munich.
Prepolli zbulon se si u bë që ai të transferohej në Bosnje dhe me ndihmën e kujt ia doli që të bëjë këtë hap në karrierën e tij.
“E unë si erdhi puna të shkojë në Bosnje, Emin Bajrami dhe Enver Prapashtica kanë qenë në Bosnje para meje”.
“Me thënë të drejtën nuk e kam planifikuar fare, por me më thirrë dikush mezi prisja që të shkoja”.
“Edhe po më thirrë Enver Prapashtica në telefon më tha Arsim kështu-kështu po kërkohet një sulmues dhe një mbrojtës. Më tha a po vini ti dhe Ilir Shuleta”, ka thënë Prepolli mes tjerash.
Episodin e plotë me Arsim Prepollin mund ta ndiqni edhe në kanalin zyrtar në YouTube të Telegrafit./Telegrafi/