Arsenali ka arritur të marr një fitore të madhe me rezultat 1-0 ndaj West Hamit në takimin e vlefshëm për ndeshjen e 29-të në Ligën Premier.
Topçinjtë kanë vazhduar serinë e fitoreve në kampionat dhe me tri pikët e radhës janë afruar edhe më shumë vendeve që dërgojnë në garat evropiane.
Pjesa e parë e ndeshjes u karakterizua me dominim të Arsenalit në posedim të topit dhe krijim të rasteve, por pa arritur të gjejnë golin.
Rasti më i mirë i këtyre 45 minutave të parë ishte ai i minutën së 22-të, kur mbrojtësi Sokratis Papasthadopoulos goditi traversën me kokë.
Në pjesën e dytë, përsëri Arsenali ishte për një nuancë më i mirë, por edhe West Hami arriti të krijojë disa raste.
Goli i vetëm në këtë takim erdhi në minutën e 78-të me anë të Alexandre Lacazette, i cili shënoi nga afërsia për 1-0 pas asistimit të Mesut Ozil.
Goli i francezit fillimisht u anulua për pozitë jashtë loje, por pas rishikimit të VAR-it goli u pranua dhe doli të jetë gol i fitores së madhe të Arsenalit.
Pas kësaj fitore, Arsenali e sheh veten në pozitën e nëntë me 40 pikë apo vetëm pesë më pak se vendi i katërt, ndërsa West Hami renditet i 16-ti me 27 pikë.
Në ndeshjen e radhës, Topçinjtë luajnë në udhëtim te Manchester City, ndërsa Çekanët e presin Wolverhampton Wanderersin. /Telegrafi/
https://twitter.com/SonOfKobe/status/1236330747440574465