Pierre Emerick Aubameyang duket se do të largohet nga Arsenali në fund të këtij edicioni.
Sulmuesi gabonez ka kontratë me Topçinjtë deri në verën e vitit 2021 dhe Arsenali synonte t’ia vazhdonte kontratën deri në vitin 2024.
Londinezët kanë qenë të gatshëm t’ia vazhdonin kontratën me pagën pak më të ngritur, pasi Aubameyang fiton 12 milionë euro në stinor.
Por kërkesat e kapitenit kanë qenë të frikshme për klubin që i ka refuzuar menjëherë ato.
30-vjeçari ka kërkuar pagë vjetore prej 18 milionë eurove, shumë që nuk është pranuar nga Arsenali.
Kësisoj londinezët pritet ta nxjerrin në shitje në verë kapitenin e tyre që të fitojnë diçka nga shitja e tij.
Ish-sulmuesi i Milan dhe Borussia Dortmund kërkohet nga disa skuadra përfshirë Interin, Barcelonën dhe Monacon.
Në anën tjetër Arsenali shpreson që ta shes yllin e tyre për një shumë mbi 60 milionë euro. /Telegrafi/