Ardian Bujupi me klip që shfaq rrugëtimin e tij (Foto)

Këngëtari shqiptar, Ardian Bujupi, i cili jeton në Gjermani dhe ka zhvilluar karrierën atje, do të vije me diçka te re.

Pas koncerteve të shumta që kishte gjatë sezonit veror, Bujupi tashmë ka gati këngën e re dhe është në përgatitje të videos.

Këngëtari që u bë i njohur nga spektakli “DSDS” pritet që shumë shpejt të lansojë këngën “Ich Komme 2005”, që do të tregojë të gjitha ecjet e tij nëpër vite e deri më tani.

Në fotografitë që i ka siguruar KosovaPress, shihen pjesë të videos gjatë xhirimit.

Aty gjendet edhe Zazou njëra nga pjesëmarrëset në “DSDS”, e cila dikur ishte e dashura e Ardianit.

Bëhet e ditur se pas përfundimit të këtyre xhirimeve, Ardiani po përgatitet për një koncert në Shqipëri, por nuk ka ndonjë datë të saktë se kur do të ndodhë kjo.