08/07/2022
Një tjetër projekt i ri muzikor është publikuat gjatë ditës së sotme (e premte).
Bëhet fjalë për këngën e re “Como Ante” të rap-artistes shqiptare, Anisa Veseli.
Teksti është shkruar nga vet këngëtarja, kurse për producimin është përkujdesur Rzon.
Producenti Rrezon Alidema (emri i vërtetë i Rzon) e ka realizuar edhe ‘beat’-in e këtij projekti.
Videoja u bë nga Valon Aziri, ndërkohë që tashmë gjendet në të gjitha platformat muzikore.
Për të mos e lënë anash, Anisa ka bërë një paraqitje të mahnitshme edhe në videoklip.
Besohet që kjo këngë do të pritet mirë nga publiku e fansat e Veselit. /Telegrafi/