Albin Tahiri shënon rezultatin më të mirë personal në Lojërat Olimpike Dimërore
07/02/2022
Albin Tahiri ka garuar sot në disiplinën e lëshimit në skijimin alpin të Lojërave Olimpike Dimërore Pekini 2022.
Skitari ynë përfundoi në vendin e 35-të nga 43 garues, pozita e tij më e mirë në Lojërat Olimpike Dimërore.
Tahiri pati kohën 1 minutë, 52.44 sekonda.
Albini do të garojë edhe në disiplinat e kombinimit alpin, sllallomit dhe sllallomit të madh.
Vlen të theksohet se Kosova në këto Lojëra Olimpike prezantohet edhe nga skitarja, Kiara Kyreziu.