Prezantuesja e njohur Albana Osmani këtë vit ndërmori një fushatë sensibilizuese të quajtur “Ti je një luledielli”.
Ajo nxori në shitje mbi tre mijë bluza nën logon e lules së diellit, nga ku u sigurua një fond prej 60 mijë eurosh, shkruan Telegrafi.
Nga paratë e mbledhura, në spitalin e Tiranës u dhuruan fonde për pajisjet e reja, për fëmijët e prekur nga sëmundjet e gjakut.
Për të gjitha këto detaje, Albana kishte rrëfyer gjithçka nga kauza e saj në një intervistë ekskluzive dhënë për Telegrafin.
Fushata sensibilizuese vazhdoi edhe më tutje, ndërsa së fundmi asaj iu bashkua edhe kryeministri i ri i Kosovës, Ramush Haradinaj.
Ka qenë Albana Osmani ajo e cila ka ndarë një fotografi në llogarinë personale në Instagram, ku shfaqet pranë Haradinajt, i cili kishte veshur një nga bluzat e kauzës.
Osmani ka publikuar një fotografi me kryeministrin në llogarinë personale në Instagram, në mbishkrimin e së cilës ka shkruar plot fjalë falënderuese dhe lëvdata për Ramush Haradinajn.
“Krejt DARDAN !!! Krejt SHQIPTARË! N'DARDANI! FALEMINDERIT Z.KRYEMINISTER Z.RAMUSH HARADINAJ PËR MBËSHTJEN TUAJ ! Shumë bukur të rri Bluza ‘DARDAN’ të shkon me gjakun që të rrjedh në vena!!! Në fund do shohim më shumë buzëqeshje të FËMIJËVE në KOSOVË e ky është gëzimi ynë ...”(sic.), ka shkruar Albana Osmani përbri fotografisë në Instagram.
Një bluzë nën sloganin “Ti je një luledielli”, ka veshur edhe bashkëshortja e Ramushit, spikerja Anita Haradinaj. /Telegrafi/