Aksident te Gjimnazi "Sami Frashëri", lëndohen dy persona

Një aksident trafiku ka ndodhur pak orë më parë në afërsi të Gjimnazit "Sami Frashëri" në Prishtinë, me ç'rast janë lënduar dy persona.

Lajmin për Telegrafin e ka konfirmuar zëdhënësi i policisë, Agron Borovci.

Borovci ka treguar se aksidenti ka ndodhur rreth orës 16:00 dhe se të përfshira kanë qenë një veturë dhe një motoçikletë.

"Nga ky aksident dy persona janë lënduar dhe të njëjtit janë dërguar në QKUK për tretman mjekësor. Njësia policore e trafikut ka dalë në vendin e ngjarjes dhe aktualisht po kryen veprimet e nevojshme për sqarimin e rrethanave të aksidentit", ka thënë Borovci. /Telegrafi/