Agjenti i yllit të Manchester Cityt, Kevin de Bruyne, ka thënë se Bayern Munich bleu shansin e tyre për të nënshkruar me belgun dy vjet më parë, por në fund transferimi dështoi.
Patrick de Koster këmbëngul që Bayerni lehtë mund të kishte nënshkruar me De Bruyne kur ai ishte me skuadrën gjermane, VfL Wolfsburg.
Kjo pasi sipas agjentit kishte marrëveshje mes palëve, por çmimi i kërkuar bëri që transferimi në Allianz Arena të dështojë.
"Ne arritëm një marrëveshje personale me Bayernin pas dy takimeve", ka thënë fillimisht De Koster.
"Marrëveshja u rrëzua me çmimin e kërkuar nga Wolfsburg".
"Mendoj se Bayerni dëshironte të paguante 50 milionë euro, por asnjë euro më shumë se kjo shifër", përfundoi agjenti i De Bruyne.
Ndryshe, De Bruyne iu bashkua Manchester Cityt për një pagesë prej 75 milionë eurosh.
Ylli belg ka befasuar me nivelin e tij me gjigantin anglez, ndërsa së fundmi ka nënshkruar edhe rinovimin e kontratës. /Telegrafi/