A është ky iPhone 7?

Disa pamje të reja të një pajisje të re që besohet se janë të iPhone 7 janë shfaqur në Kinë.

Pamjet e modelit të ri të telefonit që thuhet se është iPhone 7 janë shfaqur në rrjetin social kinez Weibo, raporton Mobipicker.

Megjithatë, në të gjitha aspektet, këto pamje nuk duket se e shfaqin telefonin e ri të Apple, sepse pamjet janë të turbullta dhe nuk përkojnë me shumicën e raportimeve të mëparshme.

Nëse kët pamje dalin të vërteta dhe e shfaqin modelin e ri të telefonit të Apple, atëherë lirisht mund të thuhet se iPhone 7 do të jetë më shumë një evolucion sesa revolucion nga ana e Apple.