“Si një reformë gjithëpërfshirëse, Shqipëria zgjodhi të ndërmerrte një plan tërësor për të rivlerësuar integritetin dhe profesionalizmin e anëtarëve të sistemit të drejtësisë dhe promovimin e një kulture të re nëpërmjet ndryshimit të strukturës së institucioneve të drejtësisë nëpërmjet depolitizimit dhe decentralizimit”, thuhet në komunikatën e shpërndarë nga ambasada.
5 vjet nga nisja e reformës në drejtësi në Shqipëri, ambasada e SHBA-së vlerëson arritjet
23/11/2021
Ambasada Amerikane në Tiranë ka organizuar një takim me rastin e 5 vjetorit të nisjes së reformës në drejtësi.
Sipas përfaqësisë diplomatike të SHBA në Shqipëri “reforma në drejtësi nuk është e lehtë, e shpejtë apo e përsosur” por shpreh mirënjohje për ata që e kanë sjellë Shqipërinë deri këtu.
Ambasada e SHBA thotë se “progresi nuk duhet të matet vetëm nga distanca deri në destinacion, progresi duhet të matet edhe nga sa larg kemi arritur në udhëtim”.