AMP: Zgjedhjet pa përmbushje të kushteve do ta thellojnë krizën politike

Aleanca për Maqedoni Pozitive konsideron se Republikës së Maqedonisë i nevojiten zgjedhje demokratike dhe të besueshme, me qëllim të fitohet një parlament dhe qeveri legjitime që do ta kthejë vendin sërish në agjendën evropiane dhe rekomandimin për fillim të bisedimeve për anëtarësim në BE, transmeton Telegrafi Maqedoni.

„Përmbushja e të gjithë kushteve nga Marrëveshja e Përzhinos është parakusht për mbajtjen e zgjedhjeve demokratike dhe të besueshme. Për këtë arsye AMP apelon deri te deputetët dhe Kuvendi i Republikës së Maqedonisë, të jenë përfaqësues të vetëdijshëm të qytetarëve dhe ti miratojnë ndryshimet e ligjeve dhe ti ndërmarrin të gjitha masat për përmbushjen e Marrëveshjes së Përzhinos si dhe të rekomandimeve nga “Raporti i Pribes”. APM dëshiron të përkujtojë që Kuvendi mund të shpërbëhet më së voni 45 ditë para mbajtjes së zgjedhjeve, kështu që ka mjaft kohë të miratohen ndryshimet e Ligjit për shërbime audio dhe audio-vizuale, të përfundojë procesi i pastrimit të Listës zgjedhore, të sigurohet ndarja ligjore e partisë nga shteti në procesin zgjedhor, dhe të organizohen zgjedhje në 5 qershor 2016. Mbajtja e zgjedhjeve pa përmbushjen e të gjithë kushteve nga Marrëveshja e Përzhinos do të thotë vetëm thellim i mëtejmë i krizës politike në Maqedoni dhe largim i Maqedonisë nga agjenda euro-atlantike“, thuhet  në njoftimin e Aleancës për Maqedoni Pozitive./Telegrafi/