Amiga dhe Cozman bëjnë goditjen e fundvitit, arrijnë mbi 1.2 milionë shpejtë pas premierës (Video)

Edhe më herët është thënë se anëtarët e labelit të famshëm të reperëve, Babastars janë duke punuar në projekte të reja.

Dy prej tyre, Agon Amiga dhe Cozman janë shfaqur së fundmi me këngën e re të titulluar “Shih ti kishe” me të cilën ata kanë arritur milionin e parë të klikimeve jo më shumë se 3 ditë pas debutimit të këngës në YouTube.

Kënga më e re nga Agon Amiga dhe Cozman po pëlqehet shumë nga publiku shqiptar, në vende të ndryshme të botës, madje duke përfshirë edhe shtetin fqinj Serbinë, mes tjerash.

Lexo po ashtu Lajmet e fundit rreth Babastars

Në profilet e tyre zyrtare në Instagram, Amiga dhe Cozman po shfaqin fansa të shumtë të këngës të cilët e promovojnë atë nga qytetet dhe shtetet e jashtme ku ata jetojnë.

Kënga e re e tyre mund të thuhet se po e bën xhiron anë e mbanë, dhe me këtë ritëm të shpejtë të rritjes mund të thuhet se skena e repit shqiptar tashmë e ka një nga hitet e fundvitit.

Por, burimet tona thonë se kjo nuk do të jetë e tëra nga BabaStars sepse ka edhe disa projekte tjera që po bëhen gati nga anëtarët e tjerë të grupit, duke përfshirë edhe vetë udhëheqësin e labelit, Getoarin, i cili shumë shpejtë do të dalë me këngën e tij më të re, të cilën do ta bëjë si bashkëpunim me Skivin.

Ndryshe deri tash kjo vjeshtë ishte mjaft aktive, me Majk që ka lansuar projektin “Tarantino” dhe Geasy me tjetrin hit, “Birthday”. /Telegrafi/