Ish-kapiteni i Milanit, Massimo Ambrosini, thotë se tifozët duhet të përgatiten për të parë Daniele Maldinin që t’i bashkohet një rivali të drejtpërdrejtë.
Maldini u shit nga Milani vitin e kaluar te Monza dhe sapo ka hyrë në skuadrën e Italisë.
Djali i Paolo Maldinit dhe nipi i Cesare Maldinit, Daniele tani po lidhet me Interin dhe Juventusin.
Ambrosini i tha Radio Serie A: “Ne duhet të përgatitemi për faktin se ai ndoshta mund të marrë një rrugë tjetër dhe të shkojë në Juve apo Inter”.
“A do të bëhet ai në atë nivel (si babai dhe gjyshi)? Nuk e di, për momentin ai nuk është atje, por ai ka vendosur pak më shumë se një vit më parë për sa i përket goditjeve dhe pranisë në fushë”.
“Nuk e di se ku mund të arrijë, por duhet ta mbajë ambicien e tij lart, sepse për sa i përket guximit, teknikës dhe fizikut e ka”, ka shtuar më tej Ambroisini. /Telegrafi/