LAJMI I FUNDIT:

Ambasadori amerikan takoi gazetaret pjesëmarrëse në programin “Open World” për gazetari hulumtuese në SHBA

Ambasadori amerikan takoi gazetaret pjesëmarrëse në programin “Open World” për gazetari hulumtuese në SHBA

Ambasadori amerikan Jeff Hovenier ka pritur sot në një takim gazetaren e Telegrafit, Jehona Hulaj dhe atë të Klan Kosovës, Rina Mujku, të cilat ishin pjesëmarrëse në programin e parë rajonal “Open World” për gazetari hulumtuese dhe antikorrupsion.

Ambasadori Hovenier ka shkruar në Twitter se gazetarët e guximshëm ndihmojnë në mbajtjen përgjegjëse të institucioneve.

“Kënaqësi të takoj Jehonën nga Telegrafi dhe Rinën nga Klan Kosova të cilat sapo janë rikthyer nga SHBA-të në kuadër të programit “Open World” për gazetarët investigativë nga Kosova, Maqedonia e Veriut dhe Serbia. Këta gazetarë të guximshëm ndihmojnë në mbajtjen e institucioneve përgjegjëse”, ka shkruar ambasadori Hovenier.


Ndryshe programi i parë rajonal “Open World” është zhvilluar nga 16 deri më 27 maj në Washington D.C dhe Seattle, ku gazetarët pjesëmarrës nga Kosova, Maqedonia e Veriut dhe Serbia kanë pasur mundësi të zhvillojnë takime të ndryshme dhe të ndajnë përvojat e tyre me gazetarë dhe ish-gazetarë amerikan në fushën e gazetarisë hulumtuese. /Telegrafi/