Hovenier pas takimit me zyrtarët e LDK-së: Opozita e përgjegjshme luan rol kritik në demokraci

Ambasadori i Shteteve të Bashkuara të Amerikës në Prishtinë, Jeff Hovenier, ka folur pas takimit me kryetarin e Lidhjes Demokratike të Kosovës, Lumir Abdixhikun, dhe zyrtarë të tjerë të kësaj partie.

Përmes një cicërime në Twitter, Hovenier ka thënë se me këta të fundit ka pasur shkëmbim të mirë për një sërë prioritetesh të përbashkëta.

“Me ftesë të lidershipit të Lidhjes Demokratike të Kosovës, pata një shkëmbim të mirë me zyrtarët e LDK-së për një sërë prioritetesh të përbashkëta”, ka shkruar ai.

Tutje, ambasadori amerikan ka theksuar se opozita e përgjegjshme politike luan rol kritik në shoqëritë demokratike.

At the invitation of the Democratic League of Kosovo (@LDKzyrtare) leadership, I had a good exchange with LDK officials on a number of shared priorities. Responsible political opposition plays a critical role in democratic societies.

— Ambassador Jeff Hovenier (@USAmbKosovo) June 8, 2022

Lidhur me takim ka shkruar në Twitter edhe Abdixhiku, i cili është shprehur i kënaqur që ka pritur ambasadorin Hovenier në sesionin e pyetjeve dhe përgjigjeve me zyrtarë të LDK-së, të përfshirë në tema të politikës së jashtme, zhvillimit ekonomik dhe sundimit të ligjit.

“Kënaqësi e madhe të pres sot ambasadorin e SHBA-së në Kosovë Jeff Hovenier në sesionin e pyetjeve dhe përgjigjeve me zyrtarë të partisë sonë të përfshirë në tema të politikës së jashtme, zhvillimit ekonomik dhe sundimit të ligjit”.

LDK-ja sipas Abdixhikut mbetet plotësisht e përkushtuar në ndjekjen e prioriteteve dhe vlerave të përbashkëta me SHBA-në./Telegrafi/

Great pleasure hosting today U.S. Ambassador to Kosovo Jeff Hovenier in Q&A Session with our party officials involved in topics of foreign policy, economic development and rule of law. LDK remains fully committed in pursuing shared priorities and values with USA. @USAmbKosovo https://t.co/U6tjlQ165l pic.twitter.com/PDuA2AK6TB

— Lumir Abdixhiku (@LumirAbdixhiku) June 8, 2022