Alex Rodriguez nuk është penduar për marrëdhënien me Jennifer Lopez të cilën e quan ‘qenia më e talentuar njerëzore’

Alex Rodriguez thotë se nuk është penduar për marrëdhënien e tij të mëparshme me Jennifer Lopez.

Ylli 46-vjeçar, u shfaq në ‘podcast’ të Martha Stewart të mërkurën (13 korrik), dhe lavdëroi aktoren-këngëtare, 52 vjeç, për aftësitë dhe etikën e saj të punës kur u pyet për të.

“Ja çfarë do t’ju tregoj për Jenniferin dhe po ua thoja disa kolegëve të mi një ditë më parë – ajo është qenia njerëzore më e talentuar që kam qenë ndonjëherë përreth”, i tha ylli i lindur në New York, Stewartit.

Tre herë MVP i bejsbollit e quajti Lopez ‘punëtorin më të zellshme’ dhe ‘performuesen më të madh live në botë sot’, shkruan DailyMail.

Rodriguez tha se ai dhe Lopez ‘kaluan shumë mirë’ në marrëdhënien e tyre dhe ‘më e rëndësishmja, ne gjithmonë i vendosim fëmijët përpara dhe në qendër në çdo gjë që bëjmë’, pasi ai është baba i vajzave Natasha, dhe Ella me ish-bashkëshortja Cynthia Scurtis, 49 vjeç.

Rodriguez fillimisht ishte i lidhur me Lopez në vitin 2017, dhe çifti dikur njoftoi fejesën e tyre në mars të 2019 përpara se të ndaheshin në prill të 2021.

“Ne e kemi kuptuar se jemi më mirë si miq dhe mezi presim të mbetemi kështu. Ne do të vazhdojmë të punojmë së bashku dhe të mbështesim njëri-tjetrin në bizneset dhe projektet tona të përbashkëta”, tha ish-çifti në një deklaratë të përbashkët në atë kohë.

Theksojmë që pas ndarjes Lopez ka rindezur romancën e saj me të fejuarin tani Ben Affleck.

Lexo po ashtu Alex Rodriguez argëtohet me të dashurën 25-vjeçare në një jaht luksoz në Capri - në të njëjtin ishull ku më parë kishte qëndruar me ish-partneren Jennifer Lopez

Ndërsa Rodriguez së fundmi ka qenë i lidhur me Kathryn Padgett, një modele fitnesi dhe trajnere 25-vjeçare nga Dallas, ai i tha Stewart se nuk ka qenë i zënë me takimet, por është fokusuar në rritjen e fëmijëve të tij. /Telegrafi/