Aleksandar Panovski-emri i parë nga Maqedonia i publikuar nga ‘Dokumentet e Panamasë’

Aleksandar Panovski është emri i cili tashmë ka në dispozicion informacione në lidhje me aferën “Panama Dokumentet”, të publikuar në faqen e internetit të Konsorciumit Ndërkombëtar të gazetarëve hetues, transmeton Telegrafi Maqedoni.

Ky emër është shfaqur në tabelën e postuar në faqen e internetit dhe lidhet me një kompani të quajtur “Orient Oil & Gas Limited”, me adresë në ‘Ishujt e Virgjër Britanike’. Në web faqe është publikuar adresa e shtëpisë së tij në Shkup.

Sipas shpjegimit të postuar në këtë faqe interneti, Panovski është një drejtor dhe aksioner në këtë kompani që nga 8 qershori i vitit 2009.

Domethënë, ‘Orient Oil & Gas Limited’ është e regjistruar si një entitet në det të hapur, dhe Panovski lidhet me përshkrimin ‘një person i cili ka një rol në entitet në detë të hapur ose ndërmjetës që ndihmon klientët për të krijuar entitet në det të hapur”.

Nuk dihet nëse kompania është duke punuar në mënyrë të ligjshme.

Konsorciumi ndërkombëtar i gazetarëve hulumtues njoftoi se sot në ora 20 do të hap bazën e të dhënave të më shumë se 200.000 subjekteve në det të hapur që janë pjesë e hetimit nga “Dokumentet Panama”. /Telegrafi/