Alec Baldwin mund të shmangë burgun për vrasjen e Halyna Hutchins në xhirimet e filmit “Rust”

Ka pasur një kthesë të re të papritur në rastin e vrasjes së kimeatografes, Halyna Hutchins.

Kinematografia vdiq si pasojë e një shkrepje aksidentale të armës së qëlluar drejt saj nga aktori Alec Baldwin gjatë xhirimeve të një skene filmi.

Ylli i filmit fillimisht u dënua me burg, por mund të mos vuajë asnjë ditë prapa grillave për shkak të një rregulli gjyqësor, transmeton TMZ.

Sipas TMZ, Prokurori i Qarkut Santa Fe ka hequr një akuzë kryesore në çështjen e Alec Baldwin.

Tani, nëse aktori dënohet përfundimisht, ai mund të mos kalojë as edhe një ditë në burg.

Gjykata ka hequr dorë nga akuza e yllit për armë në këtë çështje pasi mbrojtja e Baldwin paraqiti një mocion, duke pretenduar se prokurorët kanë përdorur një ligj kundër aktorit që nuk zbatohet.

TMZ tutje raportoi disa javë më parë se Alec Baldwin ishte akuzuar për vrasje të pavullnetshme në vdekjen e Halyna Hutchins.

Fillimisht prokurori e ka akuzuar për përdorimin e armës. Këtu vjen kthesa në komplot, pasi ligji i New Mexico thotë se një akuzë për armë mund të zbatohet vetëm nëse arma është ‘e markuar’, domethënë, “nëse arma është shfaqur me qëllim për të frikësuar ose plagosur një person”, raporton TMZ.

Natyrisht, ky ligj nuk vlen për Baldwinin, pasi aktori nuk e ka ‘kërcënuar’ me armën, ai thjesht po e përdorte atë si pjesë të skenës së aktrimit.

Ajo që është befasuese, megjithatë, është se ky ndryshim i ligjit nuk u miratua vetëm shtatë muaj pas vdekjes së Halyna Hutchins.

Lexo po ashtu Të gjitha lajmet nga Alec Baldwin

Prokurori hoqi dorë nga akuza për armë ndaj Alec Baldwin dhe kjo është e rëndësishme sepse, nëse akuza do të ishte mbështetur, aktori mund të kishte kaluar të paktën pesë vjet në burg.

Tani që akuza është hequr, nëse Alec Baldwin do të rigjykohet për vrasje nga pakujdesia, ai do të përballet vetëm me një maksimum prej 18 muajsh burg.

Oficerja e armëve e filmit, Hannah Gutierrez-Reed , është siguruar gjithashtu që kjo akuzë specifike të jetë hequr. /Telegrafi/