Hilaria Baldwin lindi të enjten, më 22 shtator, duke mirëpritur fëmijën e shtatë me Alec Baldwin – Ilaria Catalina Irena Baldwin.
Në një shkrim emocionues në Instagram, Hilaria shkroi: “Ajo është këtu! Jemi shumë të emocionuar t’ju prezantojmë me ëndrrën tonë të vogël të realizuar, ilaria catalina irena”.
“Vëllezërit e saj Baldëinito po e kalojnë ditën duke qenë më afër dhe duke e mirëpritur atë në shtëpinë tonë”.
Hilaria vazhdoi: “Shumë dashuri për të gjithë ju. Jemi shumë të lumtur që festojmë këtë lajm të mrekullueshëm me ju”.
Foshnja bashkohet me vëllezërit e motrat e mëdha Carmen, Rafael, Leonardo, Romeo, Eduardo dhe Lucia, si dhe vajzën 26-vjeçare të Alecit me ish-gruan Kim Basinger, Ireland Baldwin.
Alec nga ana tjetër ishte një nga emrat më të diskutuar të këtij viti pasi qëlloi për vdekjen kinematografen Halyna Hutchins gjatë xhirimeve të “Rust”.
Fituesi i “Emmy”-t u padit për neglizhencë në nëntor 2021 nga anëtarët e ekuipazhit të filmit. Familja e Hutchins ngriti një padi për vdekje kundër Alec dy muaj më vonë. /Telegrafi/