Kanë përfunduar pesë ndeshjet e xhiros së gjashtë në Albi Mall Superligën e Kosovës me disa rezultatet mjaftë interesante.
Ferizaj dhe Trepça '89 shënuan fitoret e para këtë kampionat, derisa Drita mposhti kampionin në fuqi Ballkanin në udhëtim 0-2.
Malisheva luajti baras me Dukagjinin 1-1, ku me të njëjtin rezultat u ndanë në paqe edhe Gjilani dhe Prishtina.
Por nuk do të humbet shumë kohë dhe xhiro e shtatë në Albi Mall Superligën e Kosovës do të zhvillohet në mesjavë.
Vëmendja e adhuruesve të futbollit kosovar do të jetë në derbi e madh lokal mes Dritës dhe Gjilanit, që zhvillohet në stadiumin me bari sintetik në Gjilan.
Kjo sfidë zhvillohet me fillim nga ora 15:00.
Në të njëjtën ditë dhe të njëjtën orë zhvillohet edhe dueli mes Prishtinës dhe Malishevës.
E paraparë ishte të zhvillohej edhe ndeshja Llapi - Ballkani, por për shkak se kampioni në fuqi i Kosovës do të luaj në Ligën e Evropës kjo ndeshje është shtyrë.
Të enjten në program janë edhe dy sfida të tjera për tu zhvilluar, Trepça '89 - Ferizaj dhe Dukagjini - Drenica.
Llapi – Ballkani (shtyhet për një tjetër datë për shkak se suharekasit do të luajnë në Ligën e Evropës) 15:00 Prishtina – Malisheva
E enjte, 15.09.2022
15:00 Trepça’89 – Ferizaj
15:00 Dukagjini- Drenica /Telegrafi/
