Aktori Norman Reedus pëson një lëndim gjatë xhirimeve të “The Walking Dead”

Ylli i “The Walking Dead”, Norman Reedus, thuhet se ka pësuar një lëndim gjatë xhirimeve të shfaqjes së njohur, sipas Variety.

“Normal pësoi një tronditje në xhirime”, tha publicisti i Reedus në një deklaratë. “Ai është duke u rikuperuar dhe do të kthehet në punë së shpejti. Faleminderit të gjithëve për shqetësimin”.

Aktori aktualisht është duke xhiruar sezonin e 11-të dhe të fundit të serialit horror të fokusuar në ‘zombie’.

Ngjarja ka ndodhur më 11 mars në Gjeorgji, gjatë xhirimeve të episodeve të fundit të serialit. Sipas një zëdhënësi të AMC, lëndimi i Reedus do të vonojë përfundimin e shfaqjes.

Nuk dihet saktësisht se si ka ndodhur lëndimi.

Lexo po ashtu Të gjitha lajmet nga Norman Reedus

Tetë episodet e para të sezonit të fundit të “The Walking Dead” u transmetuan në AMC më 22 gusht 2021, gjersa 16 episodet e fundit pritet të transmetohen këtë vit.

“The Walking Dead” ka dominuar në industrinë kinematografike për 12 vitet e fundit, duke mbetur seria nr. 1 e kabllove midis të rriturve të moshës 25-34 vjeç.

Shfaqja bazohet në serinë e librave komik nga Robert Kirkman dhe Image Comics, prodhuar nga AMC Studios. /Telegrafi/