Këshilla të vlefshme si ar: Ajo i ka të gjitha përgjigjet që kanë të bëjnë me modën
Francezja Carine Roitfeld, është ajo e cila nga viti 2001 deri më 2011 ka redaktuar botimin francez të revistës së modës Vogue dhe e cila bart titullin e femrës së veshur më së miri në botë, transmeton Telegrafi.
Kjo 63-vjeçare për shumicën është model i modës, ndërkaq tani i ndan rregullat të cilat ajo i ndjek dhe thekson që pikërisht ato janë meritore për stilin e saj të pagabueshëm.
Çdo damë do të duhej të ketë një pjesë gardërobe në të cilën do të bazohet stili i saj. Për Carinen ajo pjesë është fundi i zi.
Blej funde shumë të zeza
I kam 20 versione të fundit të njëjtë. Në shumicën e rasteve vishem në mënyrë identike.
Të gjithë bartin rroba me print lulesh, ndërkaq ju nuk mund ta imagjinoni? Në atë rast, mos mendoni në blerjen e pjesëve të printit të tillë, pa marrë parasysh atë që janë aktualisht të popullarizuara. Trendët vijnë dhe shkojnë, mirëpo vetëm klasikja kurrë nuk del nga moda.
Mos i hidhni rrobat, por rimodeloni
Me rimodelimin e rrobave të vjetra mund të frymëzoni jetën e re, nga fustanet e gjatë bëni të shkurtër, ndryshoni dukjen e fundit tuaj, përshtatjani xhinseve etj.
Kam kaluar shumë vite duke blerë rroba të cilat pastaj i kam ndërruar, sepse kurrë nuk më janë përshtatur ashtu siç kam dëshiruar. Kur e njihni formën e trupit tuaj, atëherë e dini si të zgjidhni gardërobën e duhur.
Me pjesë rrobash të shtrenjta kurrë mos rrezikoni
Nëse vendosni për blerjen e pjesëve të rrobave të disenjatorit, atëherë le të jetë ajo ndonjë pjesë klasike e cila gjithmonë do të jetë në trend. Kur është fjala për trendët e sezonit, në atë rast blini gardërobë më të lirë e cila nuk do t’ju dhimbset kur ta hiqni nga gardëroba në kohën kur trendi më nuk është aktual.
/Telegrafi/
