“Ai ju shmangte sikur të ishit asgjë”, Rodri shpjegon pse Messi është superior ndaj Ronaldos

Rodri ka ndarë mendimet e tij për debatin e vazhdueshëm mes dy prej më të mëdhenjve të historisë, Cristiano Ronaldos dhe Lionel Messit.

Në një intervistë të fundit, fituesi aktual i Topit të Artë shpjegoi pse beson se Messi dallohet si lojtari superior.

Rodri deklaroi se ndërsa Ronaldo përputhej me arritjet e Messit, ai nuk posedonte të njëjtin talent natyral.

Lexo po ashtu Di Maria: Ronaldo përfaqëson punën, Messi është talent i pastër – diferenca është e madhe

“Cristiano arriti të përballet me Messin pa një talent të lindur. Por, ne që luajmë kundër tyre, e kuptojmë ndryshimin”, ka thënë fillimisht Rodri.

Spanjolli gjithashtu përshkroi aftësinë e Messit për të ndikuar në lojë.

“Messi merr topin dhe ju thoni: “Rrezik”. Kur ju filloni të luani kundër tij, të përpiqeni t’ia hiqni topin, ai ju shmang sikur të ishit asgjë”.

Rodri përfundoi duke reflektuar mbi ndjenjat e lojtarëve që përballeshin me Messin në fushë, duke thënë: “Kur ai mori topin, kishte ndjenjën se diçka e keqe do të ndodhte”.

Ai gjithashtu ia dedikoi Topin e Artë brezit të kaluar të të mëdhenjve të Spanjës, duke e quajtur atë “të padrejtë” që ata kurrë nuk e fituan çmimin prestigjioz. /Telegrafi/