“Ai është akoma më i miri” – Joe Cole i bashkëngjitet debatit për Lionel Messin dhe Cristiano Ronaldon

Joe Cole është ish-futbollisti i fundit që ka zgjedhur Lionel Messin para Cristiano Ronaldon në debatin se kush është më miri ndonjëherë.

Legjenda e Chelseat beson se sulmuesi argjentinas është larg futbollisti më i mirë në botë.

Messi shënoi golin e tij të parë për klubin e ri Paris Saint-Germain në fitoren e tyre në Ligën e Kampionëve kundër Manchester City të martën në mbrëmje.

Cristiano Ronaldo, megjithatë, e ktheu qendrën e vëmendjes përsëri te vetja kur shënoi golin e fitores për Manchester United kundër Villarreal një ditë më vonë.

Duke analizuar ndeshjen PSG – Manchester City për BT Sport, Joe Cole tha se ishte i ngazëllyer për të parë se çfarë mund të bënte Messi me klubin e tij të ri.

“Ishte vetëm çështje kohe, ishte një gol i bukur. Ai do të dilte në pah në një ndeshje të madhe si kjo kundër Man Cityt”.

“Ju akoma dëgjoni njerëz që thonë: ‘A do të ishte në gjendje ta bënte këtë gjë në Angli?’. Epo ai ka shënuar gol kundër ekipit më të mirë në Angli për momentin”.

https://twitter.com/MessiMX30i/status/1443549327704604672

“Për mua ai është akoma më i madhi, akoma më i miri në botë. Unë jam shumë i emocionuar të shoh se çfarë mund të bëjë ai me këtë ekip të PSG –së”, deklaroi Cole. /Telegrafi/