Ahmeti: Zaevi do të verifikojë pastërtinë e gjithë ministrave (Video)

Kryetari i BDI-së, Ali Ahmeti, pas takimit me Zoran ZaeviN tregoi për rjedhën e takimit të sotëm. Ahmeti tha se është biseduar për tema të ndryshme siç janë, marrëdhëniet e mira mes fqinjve, ndërtimin dhe rritjen e besueshmërisë mes komuniteteve në vend, si dhe angazhimin drejt anëtarësimit të vendit në NATO dhe BE, njofton Telegrafi Maqedoni.

I pyetur nga gazetarët për emrat e rinj  të BDI-së, Ahmeti tha se mandatari  Zoran Zaev do të kërkojë nga institucionet e shtetit që të hetohen gjithë ministrat një për një, duke përfshirë edhe ata të BDI-së.

“LSDM sonte ka mbledhje të organeve më të larta të partisë ku edhe ata do të përmbyllin listat për kandidat për ministra. Sa i takon pastërtisë apo biografisë së kandidatëve për ministra, mandatari, kryeministri i ardhshëm, Zoran Zaev, do të kërkojë nga të gjitha institucionet e vendit mendim dhe verifikim për të gjithë kandidatët për ministra, përfshirë këtu një për një edhe kandidatë e BDI-së.” tha Ahmeti./Telegrafi/