Aerodinamika mahnitëse e makinës elektrike kroate (Video)

Rimac C_Two pritet të jetë hiper-makina më e fuqishme ndonjëherë

Prodhuesi kroat Rimac, pretendon se modeli C_Two do të bëhet makina elektrike më e fuqishme dhe e avancuar teknikisht në botë, transmeton Telegrafi.

Me 1,914 kuajfuqi, kjo makinë pritet që shpejtësinë prej zero deri në 100 kilometra në orë, ta arrijë për 1.85 sekonda, ndërsa ka shpejtësi maksimale prej 415 kilometrave në orë. Që të arrihet kjo shpejtësi fenomenale, është nevojitur një kompletim i përgjithshëm, që gjithçka të jetë sa më e përshtatur.

Për dy vite me radhë, inxhinierët e Rimac kanë punuar për ta bërë C-Two më të shpejtë se paraardhësin, duke ia rritur aerodinamikën në masë të madhe. Pamjet që janë shpërndarë së fundmi, tregojnë linjat dhe përfundimet që i janë bërë makinës, për të arritur këtë aerodinamikë mahnitëse.

Testimet që janë bërë në Universitetin e Rijekës, kanë rezultuar me sukses, por ende nuk janë bërë të ditura rezultatet konkrete.

“Duhet të kalojë nëpër 70 milionë elemente dhe ekuacione komplekse”, është thënë shkurt për Rimac C_Two, që ende nuk dihet se kur do të arrijë. /Telegrafi/