Administrata Trump do t’i dëbojë një milion emigrantë në vit – Meksika nuk do t’i pranojë shumicën prej tyre

Meksika dëshiron të arrijë një marrëveshje me administratën e presidentit të sapozgjedhur amerikan, Donald Trump që të mos pranojë të dëbuar me origjinë nga vendet e treta në rastin e dëbimeve masive të emigrantëve të paligjshëm nga SHBA-ja, tha sot presidentja meksikane, Claudia Sheinbaum.

Trump premtoi të deportonte emigrantët që jetonin ilegalisht në SHBA ndërsa zëvendëspresidenti amerikan, J.D. Vance, tha se do të deportonte një milion njerëz në vit.

Meksika ka qenë një hallkë kyçe në politikën amerikane të imigracionit në vitet e fundit, duke pranuar emigrantë nga vende si Kuba, Haiti, Nikaragua dhe Venezuela, të cilët janë dëbuar nga SHBA, shkruan reuters.

“Ne shpresojmë të arrijmë një marrëveshje me administratën Trumpit në mënyrë që, në rast se ndodhin këto deportime (masive), ata dërgojnë njerëz nga vendet e tjera drejtpërdrejt në vendet e tyre të origjinës”, tha Sheinbaum.

Meksika “qëndron në solidaritet me të gjithë, por qëllimi i saj kryesor është të mirëpresë meksikanët,” tha ajo.

Ndryshe, marrëdhëniet komplekse diplomatike që SHBA-ja ka me disa prej këtyre vendeve e bëjnë të vështirë deportimin e emigrantëve të këtyre kombësive drejtpërdrejt në vendet e tyre të origjinës. /Telegrafi/